للأسف أنا أشتغلت مدرس ابتدائي فترة يعني في المرحلة اللي المفروض الطفل بيتأسس فيها والحقيقة المرة انه مابيتعلمش فيها حاجة وده راجع لسياسة الغش العامة اللي بطبقها الوزارة .
وانا في الامتحانات فوجئت بان المدرسين الكبار اللي المفروض انهم يوجهوني للصح بيقلولي غشش سالتهم بكل سذاجة ليه قالولي اصل كده كده هينجحوا ....يعني ايه؟ يعني ان ماغشوش هيترفعوا في الكنترول قلت طيب ليه؟ أنتوا كده بتخربوا البلد قالولي اصل لو نسبة النجاح طلعت اقل من 50% الادارة التعليمية هاتحولنا للتحقيق وترجعلنا الكشوف علشان نرفعهم وللاسف برده قلت ليه؟ اصل انا عايز افهم قالولي علشان كثافة الفصول (اللي هي اساسا مكتظة) ماتزيدش.......ثانية واحدة لو سمحت ده لسة في مصايب تاني كتير اهمها
حكاية النجاح بالقانون!
واحد يسالني يعني ايه النجاح بالقانون ؟ يعني ان الطالب لو رسب في سنة هايجي السنة الجاية وينجح أجباري وكله بالقانون ياسيــــــــد حتي لو محضرش الامتحانات أساسا
طبعا لو استمرينا علي الحال ده كتير هيجي علينا وقت ونحتاج نمحي امية المتعلمين .
بيقي برده ده كلام .....ولا ده تعليم .....ألغيه احسن ياريس وريح دماغك
ليست هناك تعليقات:
إرسال تعليق